d. und ich haben uns mittlerweile zwei mal getroffen - ausserhalb unseres lieblingsschuppens. morgen wird das dritte mal sein, wir gehen nämlich essen.

nun hat er mir heute dies geschrieben (ist in dialekt, werden wohl die wenigsten verstehen *g*)

Es isch e Fritig abe gsie, ig ha mit mim beschte Koleg abgmacht für
e „Suftur“ in Bärn. U so simer zu später Stung i mi Stammbar für no chlei ga z Tanze u no eine zwe z nä. Es isch nid lang gange u ig hase wider gseh, gloub zum ersch zwöite mal. Sie hetmer uf ahieb gfalle, sozäges „wow“ ufe erscht Blick, aber het Sie mi ächt o gseh ?? Das isch die grossi Frag gsie u wenn, was het Sie vomer ghalte. Es isch Zit vergange und ufsmal gseni e Bekannte vom FC wose begrüsst mit Küss, o wie hani Ihn benide.
Genau o ungefähr i dene Momänte schänke mir üs gägesitig es Lache u no a däm Abe heimer o kurz zäme g smoltocket, immerhin !
U so isch Zit vergange u mir hei alli zäme di Bar verla u hei sogar no Witzli gmacht wägem Taxi teile, aber drus isch nix worde.

Ja das war der erscht Kontakt zwüsche üs und ca. 3 Woche später
hani di de wider gseh am gliche Ort u mir hei sozäges der Abe zäme verbracht mit rede u chlei Flirte, ja mi list richtig……
Das isch am Fritig Abe gsie u so isches cho das mir üs o am Samschtig hei troffe mit es paar Kolege vo Dir, woni übrigens ganz gueti finge !
Nachdäm die angere alli si gange si mir no ine Bar u si ganz für üs gsie u äuä hie isches passiert, ig nime a dür üsi Gspräch u z Flirte, ha eifach gmerkt, dass Du ziemlich e glichi istellig hesch u dases eifach u schön isch gsie. Gfaue hesch mir ja scho lang, aber itze isch no d Inteligänz, d Seele u der Charakter derzue cho u so isches volländs gsche um mi.
Dä Abe heimer mitere chline Umarmig beändet u im wüsse das Du ir nächschte Wuche im Oberland bisch.
Ig bi is outo gstige u bi happy gsie, ha nachere CD gsuecht u e alti Schibe wider gfunge woni ha gwüsst es si Seelelieder u so bini heigfahre mitemne geniale Gfühl im Buch u es isch mir igfahre wid sou, für was Pilleli oder Koki, geit ja so eifach u vor allem es isch eifach z Läbe.

Am Samschtig druf, mir hei eher überraschend abgmacht, heimer üs wider troffe. Ig natürlech mega närvös, sogar no us der Duschi gheit, warum o immer, was chunt uf mi zue ? Sicher ha ig mir scho überlegige gmacht u es isch für mi klar gsie es git es enang besser lehre kenne u viellecht wider chlei Flirte. Besser lehre kene heimer üs de nach ere Stund, wo Du mir hesch gseit, das dis Härz bsetzt isch.
Wow, ja was seisch da derzu ??
Klar isches e grosse Chübu Wasser gsie wo hie uf mis Füür isch gheit, aber es het scho so viel Gluet gha, dases nid grad us isch u z meischte isch när na dis na verdampfet u es het wider Wärmi i mis Härz abgstrahlt, aber im wüsse, dass eigentlech jederzit e no grössere Chübu mit Wasser cha cho.
Es isch e sehr schöni Erfahrig gsie, z gspüre dasi ono cha Füürli mache u vor allem dases sone heissi Gluet git das es Füür nid eifach usgeit u du nöime angers probiersch z füüre
Z Füür het du no afa lodere vom schönschte, sozäges es vorzognigs
1. Ougschte Für !! Aber isch ächt Petrol im Spiel gsie, sprich kurzes intensivs Für ohni das z Holz richtig brönnt, ja es gseht leider fasch derna us ……, aber nix desto trotz es isch es mega Füür gsie woni mi uuu ha chöne ufwärme ………..bi dere cheuti…..lach
Ig läbe no ! ig cha no Schmätterlinge la flüge !! MERCI Dir !!!